توێژینه‌وه‌یه‌کی نوێ چه‌ند نه‌ریتێکی مه‌ترسیداری به‌کارهێنه‌رانی مۆبایلی هۆشمه‌ندی ئاشکراکردوه‌و ئه‌گه‌ری ئه‌وه هه‌یه گه‌وره‌ترین زیان به‌خاوه‌نه‌که‌ی بگه‌یه‌نێت له‌کاتی ونبونی مۆبایله‌که‌یدا.
به‌پێی ئه‌و توێژینه‌وەیە‌ی له‌لایه‌ن کۆمپانیای Protect Your Bubble ئه‌نجامدراوه رونیکردۆته‌وه مه‌ترسیدارترین نه‌ریتی به‌کارهێنه‌ری مۆبایلی هۆشمه‌ند بریتیه له‌نه‌بونی پاسۆردو دانانیه‌تی له‌هه‌موو جێگایه‌کدا، توێژینه‌وه‌که ئاشکرایکردوه 62%ی به‌کارهێنه‌رانی مۆبایلی هۆشمه‌ند پاسۆردیان بۆ مۆبایله‌کانیان دانه‌ناوه.
دوه‌م، نه‌ریتی مه‌ترسیدار ئه‌وه‌یه به‌کارهێنه‌ران ژماره‌ی حسابی بانکی‌و زۆرێک له‌زانیاریه تایبه‌ته‌کانیان له‌نێو مۆبایله‌کانیان نوسیوه، 32%ی به‌کارهێنه‌ران ئه‌و کرداره‌یان له‌سه‌ر مۆبایله‌کانیان ئه‌نجامداوه.
نه‌ریتی سێیه‌م، گرتنی وێنه‌ی تایبه‌تی به‌کارهێنه‌رو ناردنیه‌تی به‌تایبه‌تی ئه‌و وێنانه‌ی له‌دۆخێکی تایبه‌تدایه یان روته، 20% گه‌نجان وێنه‌ی روت یان نیمچه روتی خۆیان گرتوه‌و ناردویانه بۆ هاوڕێکانیان.
چواره‌م، بریتیه له‌و نامه گوماناویانه‌ی بۆ مۆبایله‌کان ده‌چێت به رێژه‌ی 4%ی به‌کارهێنه‌ران له‌و رێگه‌یەوه زانیاری تایبه‌تیان براوه.
پێنجه‌م، بڵاوکردنه‌وه‌ی وێنه کاتێک به‌کارهێنه‌ر له‌ماڵی خۆی نیه‌و له‌ده‌رەوه‌ی شاره‌که‌یه‌تی ئه‌وه‌ش هانی دزه‌کانی داوه ماڵی ئه‌وکه‌سانه تاڵان بکه‌ن، توێژینه‌وه‌که رونیکردۆته‌وه 75%ی دزه‌کان چاودێری تۆڕه کۆمه‌ڵایه‌تیه‌کانیان کردوه بۆئه‌وه‌ی بزانن کام به‌کارهێنه‌ر له‌ماڵه‌وه‌نیه.
شه‌شه‌م، به‌کارهێنانی پرۆگرامه‌کانی گۆڕینه‌وه‌ی نامه‌ی خێرا ئه‌وه‌ش بۆته دزینی زانیاری تایبه‌تی به‌کارهێنه‌رانیان.
حه‌وته‌م، به‌کارهێنانی تۆڕی وای فای له‌شوێنه گوماناویه‌کاندا 52% به‌کارهێنه‌ران ئه‌وهه‌ڵه‌یان ئه‌نجاداوه‌و بونه‌ته نێچیری هاککه‌ران.
هه‌شته‌م، کڕینی مۆبایلی هۆشمه‌ند به‌بێ بونی کارتی دڵنیایی یان کڕینی له‌سه‌رچاوه‌یی نه‌ناسراوو گوماناویه‌وه.